دەقی ئەدەبی بۆ نەمریی خۆی و زیندوومانەوەی، هەمیشە

وزە لەو ڕووداوانە وەردەگرێت لە کەتواردا ڕوو دەدەن و هاوشێوەی ئەوەن کە لەناو خۆیدا گێڕاویەتییەوە. میلان کۆندێرا دەڵێت: ” یەک لە ئیشەکانی ڕۆمان بریتییە لە دۆزینەوە”. ڕۆمانی (مەرگی نادیار) ی نووسەر ڕەوا زێدان، بەدوای دۆزینەوەی نادیاریی مەرگی کەسایەتیی (نەجمەدینی مەلا- جەمال عیرفان- بەکر عەلی- شاکر فەتاح..)ەوەیە لە ڕێگەی گومان و پرسیارەکانی.

ئەمڕۆیش، چوار ڕۆژ دوای مردنی نووسەر و وەرگێڕ و شانۆکار، مامۆستا “فەتاح خەتاب”، ئەوجا لەماڵەکەی خۆیدا پێی دەزانن. ئالێرەوە مەرگی نادیاری ڕەوا زیدان، نەمری و وزە لە ڕووداوی مردنەکەی مامۆستا فەتاح وەردەگرێت. کە هاوشێوەی مردنەکەی نەجمەدینی مەلایە کە لە کەتوارەوە هاتووەتە ناو دەقەکەی ڕەوا و لە دەقیشەوە هاتووەتەوە ناو کەتوار، لە شکڵی مامۆستا فەتاح.