لەڕێگای گێڕانەوەی چیرۆکی خێزانێکەوە مەینەتی گەلی کوردمان نیشاندەدات لەسەروەختی حوکمڕانی بەعسدا، گیانفیدای خەڵکە قوربانیدەر و ئاساییەکە لە پێناو سەرخستنی شۆڕش. قوربانیدان بە سەر و ماڵیان تا تروسکەی ئومێدیان خامۆش نەبێت، ئومێدێک لەگەڵ هەڵهاتنیدا تەواوی پێشبینییەکانی ئاوەژوو کردەوە. هێزگەلێک کە گەیشتنە دەسەڵات دەستیان لە مزگەوت و خوێندنگاکانیش نەپاراست، شۆفڵ و ئاسان و عەموود و سەدەکانیان ئاودیو کرد. لەو ڕۆژەوە تا ئێستا ڕۆژبەڕۆژ کورد لە بەدبەختییەکەوە بە بەدبەختییەکی تر دەسپێرن. هێزگەلێک هیچ کاتێک سڵیان لە تێکشکاندن و چارەڕەشکردنی تاکی کورد نەکردۆتەوە، سپڵە بوون بەرانبەر هاوڕێ شۆڕشگێرەکانی دوێنیان، چاویان تەنیا پارە دەبینێت و هیچ ئەرزشێکیان بۆ هیچ شتێکیتر نییە.

خاڵی جێگای سەرنجی ئەم ڕۆمانە زمانەکەیەتی، کوردییەکی هێندە پاراوە ناتوانیت دەستیلێهەڵگریت، ناچارت دەکات تاکۆتایی لەگەڵ ڕەوتی ڕووداوەکاندا بڕۆیت.