کتێبی (شیعر بۆ ترسنۆکەکان نییە) لە نوسینی شاعیری دانیمارکی (نیلس هاو)ە. کتێبەکە جگە لە کۆمەڵە شیعرێک چەند وتارێکیشی لە خۆگرتووە. وەک وەرگێڕی کتێبەکە لە سەرەتاوە دەڵێت( شیعرەکانی،خەیاڵێکی فراوان و شێوازێکی تەنزئامێزانە بۆ ڕوانین لە مرۆڤی هاوچەرخ لەخۆ دەگرن. لەنێو شاعیرە سکەندەناڤییەکاندا تەنیا نیلس دەتوانێت بە شێوەیەکی سەیر بمانباتە نێو دەقەکانی خۆیەوە کە لە ژیانی ڕۆژانەی مرۆڤەکان ورد دەبێتەوە و جار هەیە تاریک دەڕوانێت و جاروباریش بە تەنزەوە ئاگادارمان دەکاتەوە.)

‎نمونەیەک لە شیعرەکانی:

‎دەشێت مرۆڤ هەموو تەمەنی خۆی

‎بە یاوەریی وشەکان بەسەر ببات

‎بێ ئەوەی وشە ڕاستەکە بدۆزێتەوە.

‎وەکوو ئەو ماسییە بەستەزمانەی

‎ڕۆژنامەیەکی هەنگاریی تێوە پێچراوە

‎یەکەم: مردووە و

‎دووەم: هەنگاری تێناگات.