ڕۆمانی (گوێ بۆ دەنگم ڕادێرە) چیرۆکی کچێک بە ناوی ( مارتا) دەگێڕێتەوە کە لەلای داپیرەی گەورە بووە و ژیاوە.

مارتا هیچ شتێک لەبارەی باوانیەوە نازانێت، دایکی بە گەنجی مردووە کە هێشتا ئەو بچوکە و باوکیشی هەر لە منداڵیەوە نەیویستووە و هیچ شتێکی لەبارەوە نازانێت بەڵام لەگەڵ گەورەبوونی، هێدی هێدی بۆشایی لە ناخیدا دەردەکەوێت و لە داپیرەی زویر دەبێت چونکە ڕاستیەکانی لێدەشارێتەوە. بەڵام هەر کە داپیرەی دەمرێت، هەوڵدەدات دەربارەی بنەماڵەکەی بزانێت بەتایبەت دەربارەی دایک و باوکی و بەدوای زانیاری و نیشانەدا دەگەڕێت.

ئەم ڕۆمانە شێوازی گێڕانەوەی جیاواز و بەئازار بوو، مرۆڤێک هیچ دەربارەی دایک و باوکی نەزانێت، زانینی ئەو ڕاستیەی باوکی نەیویستووە سەختە. دەکرێت هەر خوێنەرێک بە کتێبێکی جیاوازی ببینێت چونکە لە زۆر شوێندا دەتوانی هەست بەکارەکتەرەکان بکەیت و لە ئەندێشە و بۆچونەکانیان تێبگەیت تا ئەو ڕادەیەی پرسیار لای تۆش دروست دەکەن.

نزیکەی ٥٠ لاپەڕەی سەرەتا و کۆتاییم زۆر لا تایبەت بوو، پێم وابێت تا چەندین ڕۆژی تریش هەر بیری لێدەکەمەوە!!!!