گەشبیر ئەحمەد

لە خوێندنەوەی ئەم شیعرانەدا بەر وێنە ڕاستەقینەکەی ژیانی شاعیر دەکەویت. بە ڕوونی دەبینیت کە گەنجێکی گەنم ڕەنگی گەرمیانی ماندوو، ئەم تێکستە سادە جوانانەی نووسیووە. شاعیرێک تەنهایی و نیگەرانی ڕۆژگاری سەختی شیعراندووە بە زمانێکی جوان و شیرین. دەقەکان بە ڕاستە ڕێگەیەکی ئەدەبییدا دەڕوات، لەناکاو دەکەوێتە دۆڵێکەوە، پاشان بە خێرایی دەگاتە لوتکەی گوزارشت و زمان و ئەفراندن. ئیدی ئەو بەرز و نزمییەش لە نێو هێڵی تێکستەکاندا جۆرە ڕیتم و چێژێکی تایبەتی بە وێنە ئیستاتیکییەکەی شاعیر بەخشیووە کە ماندووت ناکات لە تێڕوانین. کتێبەکە پێکهاتووە لە چواردە دەقی شیعری کە تەنها ٧٠ لاپەڕەیە، زۆر کورت و پوختە و شایەنی خوێندنەوەیە.