پەیوەند تەها

ناساندنی کتێب:

ڕۆژێک لەو ساڵانە هەڵدەگرم” چوارەمین بەرهەمی ئەدەبی نووسەری هزرتیژی کورد “ئارام محەمەد”ە. ئەم ڕۆمانە وەک نەشتەرێکی وردبین، دەست دەخاتە سەر برینێکی قووڵی مێژوویی و، لاپەڕ لاپەڕ، پەردە لەسەر ڕابردوویەکی تاڵی نیشتیمانەکەمان هەڵدەماڵێت. لە نێو دێڕەکانیدا، خوێنەر ڕووبەڕووی ئاوێنەیەک دەبێتەوە کە تیایدا ڕەنگدانەوەی ئازار و مەینەتییەکانی تاکی کورد دەبینێت – ئەو ئازارانەی کە ساڵانێکی دوورودرێژ لەسەر شانی ئەم گەلە قورساییان کردووە. کاتێک پەڕەکانی ئەم ڕۆمانە هەڵدەدەیتەوە، خۆت لە نێو گێژاوی بیرکردنەوەیەکدا دەبینیتەوە کە چۆن زۆربەی هەرە زۆری خێزانە کوردەکان چیرۆکێکی هاوشێوەیان هەیە – چیرۆکی ماڵوێرانی، دەربەدەربوون لە شارانی دوور، و پاشان گەڕانەوە بۆ زێدی باب و باپیران، لەگەڵ ناسەقامگیری بەردەوامی ژیان و گوزەران. ئەم بەرهەمە، وەک  شاهیدێکی مێژوو، وێنەیەکی زیندوو و کاریگەر لە ڕابردوو و ئێستای گەلەکەمان پێشکەش دەکات.

ناوەڕۆک :

ڕۆژێک لەو ساڵانە هەڵدەگرم”  گێڕانەوەکەی باس لە چیرۆک دەکات کە تیایدا خێزانێکی کورد لە گێژاوی ژیاندا دەخولێنەوە. ئەم ڕۆمانە وێنەیەکی زیندووە لە ململانێی مرۆڤ لەگەڵ دژواری و ناهەمواری ژیان. سەدا، کچێکی کەمئەندامە، وەک گوڵێکی نەکراوەی بێدەنگ، هەستەکانی لە قوڵایی دڵیدا حەشار داوە و بە بەردەوامی پێدەکەنێت لە هەموو بارودۆخێک. ئەو نەیتوانیوە زمانی دڵی بکاتەوە و گوزارشت لە ناخی پڕ لە هەستی بکات. لە لایەکی ترەوە، سەفین کوڕێکە خەونەکانی بە قەدەر ئازارەکانی گەورەن. ئەو وەک دارێکی بەرز لە بەرامبەر ڕەشەبای ژیاندا وەستاوە، هەرچەندە لق و پۆپی دەلەرێنەوە، بەڵام ڕەگی قووڵ لە خاکی هیوادا داکوتاوە. سەلیم کە باوکی سەدا و سەفینە وەک داینەمۆیەکی شۆڕش دەردەکەوێت، ئازایانە لەهەوڵدایە بۆ گەیشتن بەخەونی ئازادی بۆ نیشتیمان. ئەم ڕۆمانە دەرگایەکە بۆ ناو دنیایەک کە تیایدا خێزانێک پێکەوە هەوڵی ژیانکردن دەدەن، لە نێو گێژاوی کێشە کۆمەڵایەتی، ئابووری و سیاسییەکاندا. وەک کەشتییەک لە دەریایەکی تۆفاناویدا، ئەم خێزانە کوردە بەرەو ئاسۆیەکی نادیار دەڕۆن. ئایا ڕۆژگار بەرەو کوێیان دەبات؟ ئایا سەفین دەگاتە لوتکەی خەونەکانی؟ ئەم پرسیارانە وەک تەمومژێک بەسەر چارەنووسی ئەم خێزانەدا باڵی کێشاوە، خوێنەر بانگهێشت دەکات بۆ گەشتێکی پڕ لە هەست و نەست لە نێو لاپەڕەکانی ئەم ڕۆمانەدا، هیوادارم بیخوێنەوە و چێژی لێوەرگرن.

کەسایەتیەکان:

1 سەفین سەلیم ( سەرەکی )

2 سەدا خوشکی سەفین

3 سارا دایکی سەدا

4 سەلیم باوکی سەدا و سەفین

5 لەیلا خوشکی سەلیم

6 شەماڵ وەلی هاوڕێی سەلیم

7 سەنگەر وەلی برای شەماڵ

8 هاوڕاز سلێوە دکتۆر

9 کاروان حەمە سۆفی هاوڕێی سەفین

10 ئاسۆ حسێن سورە هاوڕێی سەفین

11 سەلمان عەبدۆ سابیر هاوڕێی سەفین

12 سەرباز هاوڕێی سەفین

13 کەریمی مام سەعید

14 عەزیز هیجران

15 ستیڤ هان دەرهێنەری فلم

16 شێرزاد وەرگێڕی ستیف هان

جۆریەتی داڕشتنی کتێبەکە :

1 لە چایخانەیەکە

2 گێڕانەوەی ڕابردوو

3 نەخۆشی پێکەنین

4 لەپێناو وڵاتدا

5 ساتە سەخت و دژوارەکان

6 مردنە لەسەرخۆکان

7 وێرانبوونی وڵات

8 لەدەستدانی ئازیزان

9 دووبارە هەڵسانەوە

10 هەبوونی هیوا

ڕۆژێک لەو ساڵانە هەڵدەگرم چیمان فێردەکات ؟:

وتەیەکی کتێبەکە :

ئەگەر ڕۆژێکی خۆش هەبێت لەژیانم، هەڵی دەگرم و لەناوی دەژیم

ناوی کتێب: ڕۆژێک لەو ساڵانە هەڵدەگرم

چاپ: یەکەم – 2020

ناوەندی بڵاوکار: نووسیار

جۆری کتیب: ڕۆمان

ناونیشانی کتێب: کوردی

بابەتی کتێب: تراژیدیا

نووسەر: ئارام محەمەد

ژمارەی پەڕ: 156