پوختەیێک لە کتێب

نوێترین بەرهەمی دیدارسازی ئەدەبیی شاعیر و ڕۆژنامەنووسی ئەدەبی ئارام حاجی ییە.  وێژان پێک هاتووە لە چل و پێنج دیدار، لەبارەی شیعرەوە لەگەڵ پازدە لێکۆڵەر، پازدە وەرگێڕ، پازدە شاعیری پاش دووهەزار، کە لە هەرچوار پارچەی کوردستانەوە بەشدارن تێیدا.

ئیمەی کورد لەسەر ئاستی جیهان، لە هەر کایەیەکدا شتێکمان پێ نەبێ بۆ بەخۆنازین، ئەوا لە شیعردا بەردمان خستووەتە سەر بەرد؛ وەک شیعر بەشێکین لە ڕۆشنبیریی جیهان. خەتام نەگوتووە گەر بێژم: پشکێک لە بزاوت و بەرەوپێشچوون و داهێنان لە شیعردا، لە ئەستۆی ئێمەدا بووە. کەوایە ئێمەی کورد خاوەنی شاعیری باشین، بەڵام ئەوەی کە نەختێک هەژارین تێیدا، بەشداریکردنە بە قسەکردنێکی ڕژد لەبارەی شیعرەوە لەسەر ئاستی نێوخۆ و جیهانیش، بۆیە لەم بەرهەمەمدا ئیشم لەسەر ئەوە کردووە کە شیعربینیی شاعیران و وەرگێڕەرانی شیعر و لێکۆڵەرانی شیعر لەبارەی شیعرەوە، لە هەر چوارپارچەی کوردستان، بە شێوەی وتووێژ لە سێ بەرگدا کۆ بکەمەوە.
هەروەتر ئەم سێ دەستە، کەسانێکن کە بەرهەمەکانیان کەوتووەتە پاش ساڵی دووهەزار، بۆ ئەوەی لە کۆتاییدا نەک مێژوو، بەڵکوو شتێکمان لە شێوەی مێژووی ئەدەبی پاش دووهەزار بۆ ڕۆشن ببێتەوە

خوێندنەوە و ڕانانی ئەم کتێبە:

• وێژان ــەکەی ئارام حاجی  ئالان پەری
• وێژان، دنیایەکی تازە بە ڕوویی شیعری کوردییەوە  موراد عەلی
• وێژان لە بەرنامەی کتێبنما – کەناڵی  KNN

• ئەم کتێبە چییە وا هەموو دایدەنێن؟  سومەیە جەلال

• لەبارەی کتێبی وێژانە-ەوە – د. سالار تاوگۆزی – ڤیدیۆ

• سیمیناری ناساندنی وێژان لە دەربەندیخان – ڕاپۆرتی وێنە و ڤیدیۆ 

•  لەبارەی کتێبی وێژان-وە  عەبدولخالق یەعقووبی – ڤیدیۆ

• لە سلێمانی مەراسیمێك بۆ ناساندنی كتێبی ( وێژان ) دەكرێت – کوردسات
• وێژان: بەرنامەی کۆڕاز – کەناڵی ئاریان
• ناساندنێکی ڤیدیۆیی بۆ کتێبی وێژان شێوە خەلیل

• لەبارەی کتێبی وێژانەوە هەرێم عوسمان

• لەبارەی وێژان  هێمن بەرزنجی

• سەبارەت بە کتێبی وێژان  سۆران ساڵح