ئارام حاجی: شاعیر و ڕۆژنامەنووسی ئەدەبی و مامۆستای زمان و ئەدەبی عەرەبییە. ساڵی ١٩٩٢ لە دەربەندیخان لە دایک بووە. خەڵاتی باشترین دەق بۆ شیعری ( کۆچی کۆتا فریشتە بەرەو عەرعەر) لە فیستیڤاڵی ئەدەبیی گەنجان ٢٠١٧ و خەڵاتی دووم بۆ شیعری (نان بۆ من و شەراب بۆ هۆڵدەرلین) لە سێیەمین فیستیڤاڵی لەتیف هەڵمەت ٢٠٢١ و خەڵاتی دووەم بۆ شیعری (مرۆڤی سوێر) لە هەشتەمین فیستیڤاڵی گوڵەهەنار ٢٠٢٢ وەرگرتووە. لە وێبسایتی ئەدەبیی (هاوچەرخ) کاری دیدارسازیی ئەدەبیی کردووە. لە بەشێک لە گۆڤار و ڕۆژنامە و ماڵپەڕەکاندا بڵاوکراوەی هەبووە.