پوختەیێک لە کتێب

پیاوی ناو تاریکی، ڕۆمانێکە دەربارەی ئەو جیهان و کەتوارانەی لێیان نیشتەجێین، هاوکاتی ئەو جەنگانەی لە دەوروبەرمان هەڵگیرساون. پاڵەوانی ڕۆمانەکە، ئۆگەست بڕیل، ڕەخنەگرێکی ئەدەبیی خانەنشینە، تەمەنی ٧٢ ساڵە و لەگەڵ میریامی کچی و کچەزاکەی دەژی، هەریەکیان بە دەست کۆمەڵێک گێرەوکێشەی ژیانیانەوە گیریان خواردووە. پیاوی ناو تاریکی ڕۆمانێکە بۆ بێدارەکان، قوربانییانی جەنگ، ئازیزانی ئەو قوربانییانە، جیهانە هاوتەریبەکان، تراژیدیا، نۆستالژیا، خۆکوژی، زەبری دەروونی، دڵشکان و لەدەستدان، بەڵام هێشتا تۆوی ژیاندۆستی لەنێو یەکبەیەکی ئەم تێمایانەدا خۆی حەشار داوە.

***

“ئۆستەر و کارەکتەرەکانی دەزانن باشترین شتانێک کە دەتوانین پەنایان بۆ ببەین لە کاتەکانی خەم و بێخەویدا یەکدەنگی و هاوڕێیەتین. پیاوی ناو تاریکی هەردوو ئەو شتەمان پێشکەش دەکات و بە کردنی ئەمەیش، دژی هەموو کۆسپ و تەگەرەکان، دەبێتە خوێندنەوەیەک تژی لە ژیاندۆستی.”

– ڕووس سکەر، تێلێگراف

“ڕۆمانەکە بە بوونگەرایییەکی لەرزهێنەوە دەست پێ دەکات -من لەناو تاریکیدا تەنیام- دواتر بەنێو داڵانێکی سووریالیی بۆرخێسییانەدا، پێش ئەوەی کۆتایی بێت بە شێوەیەکی دلۆڤان و مرۆڤانە، کە باپیرە و کچەزاکەی کات لەگەڵ یەکدیدا دەبەنە سەر و لە شەوێکی دوورودرێژی بێخەویدا دڵی یەکتری دەدەنەوە؛ تێپەڕ دەبێت.”

– جێف تورێنتاین، واشینگتۆن پۆست

خوێندنەوە و ڕانانی ئەم کتێبە:

• سەبارەت بە (پیاوی ناو تاریکی) ڕێباز ئەکرەم

• ڕۆمانی پیاوی ناو تاریکی لە گۆشەی جیاوازەوە  کامۆ ئاراز – ماڵپەڕی ژنەفتن

• جۆلانێ لە نێوان ڕۆمان و فیلمدا: پیاوی ناو تاریکی یان پیاوی ناو چیرۆکەکان؟  ئارام محەمەد

• چەند قسەیەک لەسەر ڕۆمانی( پیاوی ناو تاریکی)  بێژەن محەمەد