پوختەیێک لە کتێب

نووسەر لە بارەی کتێبەکەیەوە دەڵێت:

 جیا لەوەی کە هەرسێ نۆڤلێتەکە، لە ڕووی تەکنیک و زمان و گێڕانەوەوە هاوتەریب و هاوشێوەن. لە ڕووی بابەت و ناوڕۆکیشەوە، هاوشێوەی سێکوچکەیەک، ئازار و پرس و نامۆیی ئەو مرۆڤەی هەڵگرتووە کە پێی دەوترێت کورد. ئەو خودەی لە ناو شوێنێکی بزردایە و هاوکات شووناسیشی هەر وابەستەیە بەو شوێنەوە کە فرانکشتاین ئاسا (وەک چەمکە فەلسەفییەکەی) بەردەوام دەخوڵقێن و یەک تەواو دەکەن و دیسانەوە دەبنەوە قوربانی یەکتر. پێکەوە هەوڵێکە بۆ  خوێندنەوە و وێناکردنی پرسی ئاڵۆز و تایبەتی ئەو خودە، لە ڕێگەی خەیاڵ و فەنتازیایی ئەدەبەوە.

بەو پێیەیی شووناسی مرۆڤ تا ڕادەیەکی زۆر وابەستەیە لە ناو شوێن و مێژوودا، ئەم سێ نۆڤلێتەش، هەوڵێکە بۆ وێناکردنی شووناسی ئێستای کورد لە ناو مێژوویەکی دوور و درێژی جەنگ و  جینۆسایدا، لە ناو شوێنێکدا، کە وەک ناوچەوانە نەگبەتەکەی، پڕ کراوە لە هێڵی سنوور، ئەو هێڵانەی وەک شیشی زیندان، ئەویان لە ناو زیندانێکی ڕۆحی و جەستەییدا گیرکردووە. ئاخۆ لەم جیهانە بچووک و فرە شووناسەدا، ئێمە چۆن دەردەکەوین و چۆن خۆمان دەبین؟ ئەممە پرسیارەکەیە.

خوێندنەوە و ڕانانی ئەم کتێبە:

• بۆ هاوڕێم ( عومەر سەید)  ئارام حەمە

• کتێبێك پێویستە بخوێندرێتەوە  بەندی عەلی

• دیدار و باسێک لەبارەی کتێبی «شەوانی فرانکشتاین»  چاوپێکەوتن – کوردسات مەگەزین  

• لە میانی واژۆکردنی سیانەی تارماییەکانی بیاباندا  عەبدولقادر سەعید

• شەوانی فرانکشتاین ،سیانەی تارمایی یەکانی بیابان  عومەرعەبدولکەریم کەسان

• خوێندنەوەیەک لەبارەی نۆڤلێتی شەوانی فرانکشتاین  جێگر بەختیار

• سەبارەت بە سیانەی تارماییەکانی بیابان: شەوانی فرانکشتاین  بەختیار حەمەسوور