کاروان کاکەسوور لە ساڵی (1964) لە هەولێر لە دایک بووە. سەرەتا شیعری هەڵبەستووە و دواتر لە ناوەڕاستی هەشتاکاندا دەستی داوەتە نووسینی ئەدەبی گێڕانەوە. لە دوای ڕاپەڕینەوە بەرهەمەکانی بڵاو کردوونەتەوە، کە چیرۆک، ڕۆمان و ژیاننامەن. ناوەناوەیش لە ڕێی توێژینەوەی ئەدەبی و فکرییەوە دەرکەوتووە. ئەمانە ناوی هەندێک لە ڕۆمانەکانین: (کازینۆی منداڵان)، (کەناڵی مەیموونە چەکدارەکان)، (ڕیبەنێکی سوور و ملپێچێکی ڕەش)، (یادەوەریی بووکەڵەکان) و (تەرمەوان). لە ڕووی فکری ڕەخنەییشەوە کتێبی وەک (گەڕانەوەیەکی کاتی بۆ دایەڵۆگێکی بەردەوام)، (کوشتنی فیل و پاراستنی دووکانی شووشەوات)ی هەن.